SUN搞作:SUN官場現形記:赤柱求生記
難得有日假期,房署署長高高去赤柱一日遊,享受陽光與海灘,去到沙灘時,見到一大班人玩緊遊戲……
高高:你哋成班喺度玩緊乜咁開心?
市民:玩?訓練嚟o架,學摸蜆呀!
高高:摸蜆……正喎,我都好鍾意食蜆!
市民:摸完啲蜆拎返屋企煮嚟食……
高高:咦,有得摸有得食,幾好喎!
市民:你覺得好,咪一齊摸囉!高高即時踎低,一手拎起泥耙,起勢咁掘……
高高:吖,其實呢個訓練為乜呢?
市民:為乜?呢個咪孤島求生記囉!隔籬個赤柱廣場旅遊化,食肆同店舖樣樣貴,餸都冇地方買,唔學定摸蜆求生,點繼續住响度呀!
高高:#(&$@#!!