政壇：搞搞政：爭李惠利地皮 陳新滋轉低調
浸會大學爭奪前李惠利校舍地皮，校長陳新滋仲講到話如果爭唔到，就會辭職。日前佢出席活動時，被問到辭職一事已唔肯再講太多，知情者報料，陳新滋原來係改變策略，由兇政府改為低調行事喎。
設計圖片及對白
知情人士爆料，浸大原來制訂咗三個錦囊妙計同港府周旋，首招係團結校方、學生同校友三方站在同一陣線，第二招就係循程序公義方面出發，發動請願同「一人一信行動」，據聞多名政界人士都以個人名義寫信撐浸大，最終城規會接獲多達二萬五千多份申述，當中絕大部分都係撐浸大，數目之多可算係近年罕見；至於第三招就係動員知名校友、資深傳媒人等發聲再搶佔輿論陣地。
此外，有人都對浸大「阿一」陳新滋嘅辭職一說有意見，認為應該有咁低調得咁低調，事關連串風波已令浸大同港府多個政策局關係緊張，有官場中人更不滿浸大將私下溝通內容曝光，陳新滋想成功爭取，改變策略都好應該噃。
