SUN搞作：少膽虫手記：流「蛋」襲擊
「對，我犯賤！」少膽虫的手機響起鈴聲，「我係《爛果》腦腫，你係？」「少膽虫，我喺公司樓下快啲救我，我中彈……」雖然另一方嘅聲線氣若遊絲，但少膽虫一聽就知係腦細把聲。少膽虫急急衝落樓下，就見淫賤黎攤喺地下，少膽虫雙手將腦細攬入懷中，「腦細，你安心上路，壹全霉就放心交畀我！」
「交畀你？你當我死o架？」一陣鬼聲忽然喺少膽虫耳邊響起。少膽虫下意識向下望，見淫賤黎雙眼猙獰。「屍變呀！」少膽虫嚇得彈起，「茅山師傅急急如律令，滿天神佛打……救我……」淫賤黎成隻喪屍咁爬向少膽虫，然後……「啪」一聲，少膽虫好似平時咁硬食一巴掌。
「我中『蛋』啫，少膽虫你就咁嘅樣，唔通你想學上面咁謀朝篡位？」淫賤黎怒說。「腦細，畀個天我做膽都唔敢喇，我以為……」淫賤黎又賞少膽虫一巴，「以為以為，成日想我死！」
少膽虫強忍痛楚問︰「腦細，好地地又會中蛋嘅？」話口未完，第三巴又迎面而至，「仲好講！成日同我講作埋啲新聞幾掂幾掂，依家畀人尋仇，唔單止畀人請食蛋，仲畀人鬧︰『大話精，老作你最叻！』」
睇嚟，少膽虫聽日都要請假養傷……
