政壇：女童軍靚太傍實特首夫人

一班名太日前雲集中環，出現一幕難得嘅畫面。早幾日下晝約兩點半鐘，城中名太包括啱啱榮升奶奶嘅「玩具大王」蔡志明太太蔡李惠莉、四洲集團主席戴德豐夫人戴胡美蓉同遠東發展主席兼行政總裁邱達昌太太邱吳惠平等人，齊齊傍住特首夫人梁唐青儀等車。期間一班名太們有講有笑，態度好客氣，眾人目送梁太登車離去，仲揮手講拜拜，先至返入去酒店。呢班阿太咁啱都係女童軍嘅靈魂人物，唔知佢哋係咪傾緊女童軍嘅發展大計呢？