SUN搞作：網絡小說：有種戇男
「小姐，小姓馮，不過我諗你都聽過我個名喇……」戴眼鏡的戇男第一日入心戰室，只係行到去廁所門口啫，就指手畫腳，條條揈「調戲」面前位阿姐。
「你係邊個呀？我唔識你喎！」阿姐拎住張紙巾，烏低身抹緊自己對鞋。
「你返工咁辛苦，日日要左抹右抹，所以唔識白宮代言人都好正常嘅！」戇男扯一扯領呔，企喺廁所門口，自鳴得意。
「哦，白宮代言人，你份工要做啲乜？」阿姐趁戇男唔為意，輕輕抬頭，然後繼續抹鞋。
「簡單嚟講，我係呢度嘅專員，以後你要地拖，定係掃把，都千祈唔好搵我，我搵十八萬蚊個月，可以話係日理萬機……」戇男邊講邊用玉手輕托下巴，進入妄想世界。
「哈哈，乜我真係咁大眾化咩……」阿姐慢慢企起身，架起喺強蟈領導面前戴過嘅超，似是而非咁自言自語。
「樣貌？個個清潔阿姐都差唔多樣啦！」戇男完全無望過阿姐，眼神在半空中遊蕩，似是為蟈家派任務畀佢而自豪。
「其實呢……我係你老細個老婆。」阿姐繞起雙手，望住戇男，眼神閃過一絲憤怒。
「我得三……三個字，不予置評。」戇男聽到之後窒咗一窒，幾秒之後，惟有有種地，再拋金句遮醜。
