城中鏡：利孝和夫人閃爆銅鑼灣
銅鑼灣Lee Gardens由一九二三年與香港一同進步，蛻變成今日一個引領潮流嘅熱點之一，依家喺Lee Gardens區舉辦連串主題展覽，展示自二十年代至今銅鑼灣歷史、娛樂、飲食、時裝以至生活文化各方面嘅發展，讓大家一同親歷九十年嘅時光。
利孝和夫人喺珍藏旗袍旁留影。
Lee Gardens旗下Hysan Place嘅展品仲包括咗由利孝和夫人借出、手工精細嘅珍藏旗袍。早前利孝和夫人專程到Hysan Place參觀並喺展品旁留影，引來群眾欣賞目光。呢兩件利孝和夫人嘅珍藏旗袍，手工精細，除注入了時尚元素外，亦呈現咗傳統女性服飾經典之美，就連美國著名玩具公司Mattel都以利孝和夫人嘅旗袍作靈感，創作出特別版Golden Qi-Pao Barbie。
