新一屆政府成立後，先後有幾個政治助理跳船，打擊政府嘅管治威信。話口未完，政府早前又公布財經事務及庫務局副局長梁鳳儀離職，雖然佢好似好有交帶，話就話做到「無縫交接」，即係等埋政府搵到接班人上任先至走，唔似得之前嗰幾個政助咁蹺起政府，但佢同嗰啲政助冇分別，佢哋都係冇做到呢屆政府嘅任期結束就中途跳船，做咗逃兵，根本冇做好呢份工。
