有印傭喺內地劏活雞感染H7N9禽流感，入咗公營醫院之後，不單止冇為佢即時採取準確度較高嘅快速測試，竟然又因醫護人員放假，延遲完成化驗確診。醫護人員連番嘅失誤，醫管局行政總裁梁栢賢難辭其咎，由於病毒迅速傳播，呢啲醫護人員嘅失誤一宗都嫌多，所以梁栢賢必須吸取教訓，盡快堵塞漏洞先得，以免H7N9禽流感出現社區爆發，重演沙士悲劇。
