政壇：滙控賣名畫袋逾億元
滙豐控股不務正業嘅部分，隨住出售非核心業務走向尾聲，啱啱連油畫都賣出埋，袋返九百六十萬英鎊（折合1.217億港元），睇嚟銀行都係集中精力，揸高流動性資產穩陣。
兩幅出自意大利名畫家迦納萊托（Canaletto）手筆，名為威尼斯的里亞爾托橋（Rialto Bridge），同埋聖馬可廣場（St. Marks Square），原本市場估價都係八百至一千二百萬英鎊，今次滙控賣個價都算中規中矩。
Canaletto嘅畫作以描繪十八世紀嘅威尼斯而為人熟悉，好似有耶穌升天日慶典嘅聖馬可廣場、雷擊後聖馬可廣場鐘樓維修嘅情形等，都變成佢筆下嘅名畫。
