跨境學童愈跨愈遠，教育界人士及家長批評，跨境學童要長途跋涉上學，不但令學童疲於奔命，更令學習專注力大幅降低，亦令他們難以參與課外活動，大大扼殺學習機會。

教育界人士批評，跨境學童要長途跋涉上學，令學習專注力大幅降低。（資料圖片）

「對小朋友嚟講係一種折磨﹗」香港家長協進會副主席黎曾慶認為，跨境學童若在新界北區以外，甚至市區上學，每天車程至少要額外多花兩小時，「訓覺都瞓少啲」，直接影響他們的精神狀況，「唔夠精神嘅話，上堂好易恰眼瞓，唔專心聽書，對成績一定會有影響。」

黎曾慶指出，不少跨境學童家長擔心子女安全，都希望他們及早回家，「如果喺市區返學，佢哋更加要早啲搭車，仲邊有時間參加課外活動？對佢哋嚟講，即係少咗一個學習嘅機會。」

教育評議會副主席何漢權則認為，跨得愈遠，代表對學童的影響愈大，「教育局唔可以頭痛醫頭，腳痛醫腳。如果真係為咗班學生好，就要諗長遠政策解決問題，好似將新界北區荒廢的校舍，改建做學校。」

第一手消息請下載on.cc東網iPhone/iPad/Android/Windows Phone Apps