城中鏡：楊婉儀鼓勵子女行善
王瑞勳同前港姐太太Winnie楊婉儀及子女全家尋晚出席「慈善聖誕薑餅屋」酒店亮燈活動，Winnie話十年前嘅四月喺呢度結婚擺酒，十年後又可以喺呢度做有意義嘅活動，感到好開心，佢透露十周年結婚紀念都係靜靜地同小朋友一齊過。
王瑞勳同楊婉儀（後排）帶埋一對仔女出席酒店慈善活動亮燈儀式。
叫佳節捐玩具
原來佢經常教小朋友做善事，佢話：「聖誕節就會叫佢哋捐啲唔玩嘅玩具出嚟，希望培養佢哋有幫人嘅心，一代傳一代，佢哋喺學校亦會做義工。」
佢又透露小朋友喺BB時嘅利是錢亦會捐一部分出去做善事，已經捐咗五位數字。
被問及會唔會喺幕前做慈善？Winnie表示：「都少做幕前，不過希望幾樣嘢都可以一齊做，我鍾意工作，寧願瞓少啲都要做慈善。」提到佢嘅幼稚園進展？
佢話估計明年九月可以收第一批學生，現正請老師，主力以美式教學，會喺九龍同港島開，希望一切順利啦。
