每逢周三立法會開大會，班議員最少要「滯留」喺立會超過十二個鐘，變相少咗同屋企人相處。紡織及製衣業界議員Felix鍾國斌為爭取同太太Jennifer有更多相處時間，上星期三特登相約喺太古廣場一間西餐廳食飯拍拖，食飽飽後至施施然返立會繼續開會。

鍾太（左）着定平底鞋準備盡情購物，右為鍾國斌。

Felix話由於太太係主婦唔使返工，加上囡囡又未夠鐘放學，於是可以乘機出嚟食飯。正當佢哋食完飯諗住返立會時，細心嘅Felix發現太太無着平時最愛嘅高踭鞋，太太就解釋話諗住去shopping買嘢，準備要行好耐。睇嚟當Felix喺立會開會，鍾太亦都畀心機盡情購物喎！

第一手消息請下載on.cc東網iPhone/iPad/Android/Windows Phone Apps