SUN搞作：從劏房，看香港愚民政策！

香港劏房問題千絲萬縷，亦非近年之事，何解呢個香港特區政府廢得咁低能，隸屬官員庸得咁淒涼，日日眼光光的束手無策？但糧佢哋就照出喎！

屋宇署人手不足，唔好話去拆違法劏房，即使非法大招牌也未得閒處理，所以，不少政府高層的僭建也無人跟進，由得佢無聲無息地默默靜下來，直至永遠「不存在」！

窮人申請公屋等上樓，不誇張的說法係為咗個孫可以有瓦遮頭。點解要等咁耐，政府解釋話無地起樓，又將矛頭轉向反對收地的「示威人士」。

政府最近最新思維，說可縮短排隊輪候人流，就係將大專或以上學歷的申請人扣分喎！如此白癡的建議，唔畀人問候祖宗十八代就奇咯！喂！大佬！原來愈有上進心讀個學位，愈有學識反而就愈無運行，愈無知愈唔識字者，就愈是「既得利益者」，真返回大陸文革時代，讀書無用論，愚民政策復辟在香江？

香港廢柴政府不敢在羅湖關口截龍，一直以家庭團聚為由，不斷放大陸人入境，才是低下貧人為患的主因，除居住問題外，社會困局種種惡果逐漸浮現，此刻，班高官庸才話之你，因佢哋已有外國護照在手，夠鐘鬆人。香港？你死你事！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府