SUN搞作：少膽虫手記：無分彼此
「o雪！o雪o雪！o雪！」淫賤黎於房內傳出一陣陣的怪聲，愈來愈響亮。隨後又發出急促的呼吸聲，引得少膽虫心急如焚，不禁在門外窺看，赫見淫賤黎坐着大班椅，地上滿是奶白色的液體。「砰！」少膽虫踢到櫃角。
「少膽虫，你嚟得啱啦！」淫賤黎突然呼喊。「腦細，你個嘴仲黏住啲奶白色泡沫……」少膽虫驚慌道。淫賤黎揮手一抹：「呢條雪條真係好正，喺邊度買返嚟o架？」少膽虫聽後冒汗，一聲不響，淫賤黎續說：「買多幾箱返嚟吖！冬天食雪條，凍冰冰，爽呀！仲要係椰子味！」「腦細，仲諗住叫你唔好食，依家……」少膽虫細聲道。淫賤黎已經食完支雪條，一臉津津有味。
「腦細，我都知菜嫌貴冇咁好死，一折賣兩打雪條畀我……原來啲雪條含菌量超晒標……」少膽虫語畢，淫賤黎噴出口腔內的僅餘液體，再一拳打虫頭，雙腳夾實虫頸，氣得半死。少膽虫好言勸解：「你係壹傳霉腦細，正一霉菌，嗰啲係細菌。正所謂大菌食細菌，細菌當補品，都唔使驚啦！嘻嘻！」
「哎呀！」少膽虫又大叫，睇怕少膽虫個八月十五又不保喇……
