房署署長高高帶領下屬到各個屋邨視察，準備交檢討報告，途中遇着市民纏住唔放……
市民︰署長，木塞為患呀！
高高︰點會呀！木塞嚟咋嘛！
市民︰好多木塞係屋邨，度度都有呀！
高高︰吓，真係咁多嘅話，叫人回收囉！唔好嘥嘛！
市民︰仲周圍咬人，搞到成身都痕呀！
高高︰咩呀，木塞點咬人？
市民︰你睇吓你膊頭……啲木蝨！（高高嚇一嚇，即時以手撥一撥膊頭。）
高高︰撥走佢，咪咩事都冇囉！邊度為患吖！
市民︰你睇你，咁樣仲唔係卸膊係乜！
