盧韋柏（左）親手致送紀念品予李廣達。
喺上星期五，一位喺花旗做咗四十三年嘅老臣子退休，佢就係花旗總務部主管李廣達，喺依家呢個年代，要一條心為同一間公司服務四十三年，確實係好罕見。花旗亦好識做，為呢位老臣子搞咗個歡送會，表揚同感謝呢位咁長情嘅員工。日理萬機嘅花旗香港及澳門區行長盧韋柏知道咗之後，亦抽空出席歡送會，仲代表全體同事親手致送一個相架畀呢位退休員工，話希望佢可以永遠留住喺花旗工作嘅美好回憶。
聽聞盧韋柏早已安排好周末行程，仲連機票都book埋，但得知老臣子退休，就堅持一定要親身祝賀，將原先安排好嘅行程押後。今時今日肯一心一意為同一間公司服務咁多年嘅員工難求，識得咁愛錫一班員工嘅老闆亦好罕有。
第一手消息請下載on.cc東網
