外國政要離境稅退款被侵吞，簡直係國際大醜聞，李衞本來諗住去提醒佢哋唔好畀人落格，點知中途就撞到正要離港嘅政要A……

李衞：政要，你辦妥登機手續未？

政要A：噢，你哋機場貴賓室有專人幫我處理，我交低護照就得喇！

李衞：你梗係唔知喇，好多政要都係咁交低護照，就畀人吞咗離境稅退款！仲唔快啲截住佢？

政要A：唔緊要，一早預咗！當係外訪成本囉！

李衞：吓？點解咁大方，仲要一早預咗？

政要A：貪曾貪湯，貪名傳遍國際，佢兩個連菜心牛腩都唔放過，香港有幾廉潔，心照喇！

李衞：哎，上樑不正下樑歪，香港個名臭晒，就嚟要叫臭港喇！

政要A：哈哈，你哋大有大貪，細有細貪，最好改名叫「貪港」，咁就名副其實喇！

李衞：!@@##$$$%%

第一手消息請下載on.cc東網iPhone/iPad/Android Apps