城中鏡：賢慧社領導鍾情白啡
賢慧社早前搵咗咖啡店老闆分享創業之道，賢慧社嘅新舊領導層，包括彭芷君、羅詠詩、新任召集人Dorothy周沁等齊齊撐場，期間齊齊分享至愛飲邊種咖啡，其中Dorothy自言特別鍾意飲咖啡味重同無咁甜嘅咖啡。
楊鼎立（左起）、周沁、彭芷君同羅詠詩大講咖啡經。
已故全國政協副主席安子介外孫、身兼賢慧社總監嘅Derek楊鼎立對品味咖啡認識更深，所以講解時特別頭頭是道。佢透露自細已開始飲咖啡，而且針對不同時間會飲品味不同咖啡，如果係一早起身想提神，佢就會飲美國咖啡，即由意式濃縮咖啡加入熱水製作而成，倘係下午想飲咖啡，就會同Dorothy一樣鍾情白咖啡。
