城中鏡：葉劉遇宇宙最強勁冧
因飾演詠春一代宗師葉問一角人氣急升嘅「宇宙最強」甄子丹，前晚家有喜事，姨仔汪圓圓出嫁，城中富商巨賈雲集，新民黨主席葉劉淑儀都着晒名貴皮草，配襯高貴晚裝到賀，巧遇甄子丹，一個箭步上前捉住對方合照，葉劉十足小粉絲咁開心，露出甜絲絲笑容。
子丹呢晚穿上修腰筆挺西裝，難掩健碩胸肌，加埋一個插褲袋有型甫士，酷爆！影完合照，葉劉不忘同偶像開玩笑話：「我真係與葉問同村o架!」咁講法，睇怕子丹都要請葉劉教番一招半式喎！不過，葉劉笑言唔識功夫，佢爸爸係新加坡華僑，原籍廣東佛山南海，所以同葉問係同鄉。
同甄子丹合照後，當然要恭賀新老爺蔡子明，轉過頭，仲見到保安局局長黎棟國，葉劉身為保安局前局長，重遇前下屬，分外親切，唔少得影番張相留念!
