SUN驚奇：法制大不同 置業做足功課

「以前大部分港人北上買樓，都會揀喺廣東省，或者北京、上海等一線城市，但近年就開始轉攻成都等二、三線城市。」香港置業高級執行董事伍創業指，內地一線城市近年樓價持續高企，投資價值反不如近年發展迅速的二、三線城市，「部分港資地產商，都開始喺呢啲二線城市發展，可見當地市場有一定潛力。」

伍續稱雖然內地房地產市場有投資價值，但港人必須於出擊前先做研究，以免變「盲頭烏蠅」，「雖然兩地買樓形式相似，但法制同買賣細節都有所不同，例如內地樓盤嘅買賣合同，多數係由發展商訂定，律師則甚少參與。」他建議港人可聘請內地律師，或由相熟地產中介協助，保障自身利益。