SUN搞作：SUN官場現形記：「喜」極而泣
衞生防護中心宣布，為幼童補打13價疫苗，呢個消息對家長嚟講當然係個喜訊，殊不知，醫院入面有位家長同食衞局局長高永文竟然嘈起上嚟……
家長：終於有得補打13價疫苗喇！
高永文：嗱，都話唔使鬥快打針o架啦！依家政府有得補打，仲係免費添！
家長：但係我個仔仔得四歲，佢打針嗰陣可能好驚，仲會周身郁……
高永文：咁又唔使怕，有醫生護士睇住o架嘛！
家長：不過，啲護士好似唔係好細心，又論盡o架喎！
高永文：點會啫，佢哋全部都受過專業訓練，你放心啦！
家長：點放心呀，連護士都打錯針！
高永文：打錯針？
家長：元朗有護士擺烏龍，連環打錯七針，將小童疫苗當成人破傷風針，叫我點放心佢哋幫我仔仔打針呀！
高永文：＆＾＃！＠！％！！
