梁錦松（後右）同太太伏明霞（後左）帶埋三名子女出席小母牛活動。
國際小母牛香港分會尋日舉行「小母牛競步善行二○一三」活動，本身係小母牛香港分會主席嘅前財政司司長梁錦松同太太伏明霞帶埋三個仔女參加。阿松同大囝梁皓嘉參加咗接力跑步比賽，但阿松推個波畀囝囝，要佢跑長嗰段，佢話︰「如果掉番轉我低都似！」
阿松會二月過檔南豐集團做行政總裁，佢話揀呢份工主要都係想多啲留喺香港陪仔女，仲話新工有新嘢學又有糧出，真係好抵o架 ！而伏明霞當然連聲讚好啦。被問及近日頻頻見政界人士係咪為選特首鋪路，阿松就話，啲人話香港人冇創意，佢就完全唔同意，覺得啲傳聞又有創意同想像力，佢仲反問大家︰「你信唔信吖？反正我就唔信喇。」
第一手消息請下載on.cc東網
