服務全球化，讀者遍天下。東方報業集團全新旗艦網站「on.cc東網」隆重登場後，精益求精，與時並進，不斷提升功能，優化服務，獲得讀者一致讚賞，網民節節上升，果然非同凡響。

「on.cc東網」又有好嘢，太一叮梗係要介紹畀各位喇。嗱，最新推介係畫面更簡潔，使用更便捷嘅Menu Bar，讀者只要輕輕一click，就可以直接進入想瀏覽嘅資訊範疇。新Menu Bar完全係根據網民瀏覽習慣度身訂造，劃分新聞、評論、財經、娛樂、體育同埋生活六大範疇；而喺新聞範疇內又再按地區，細分出港澳、台灣、大陸同國際四個範疇；評論部分又細分咗港澳和台灣兩部分，簡潔易明。最重要嘅係，讀者無論想睇乜嘢內容，只須click一下就搞掂，既方便又快捷，呢的咪叫人性化服務，以讀者為本囉。

為讀者度身訂造嘅除咗新Menu Bar，仲有唔同版本嘅網頁o架。「on.cc東網」目前已推出港澳版同台灣版，港澳版有港澳味，台灣版自然有台灣味，資訊夠地道，讀者齊讚好。「on.cc東網」最大嘅特色係，唔同地區版面用唔同顏色區分，清清楚楚，一目了然。話明立足香港，服務全球華人，梗係唔只咁多喇，除咗港澳版及台灣版，「on.cc東網」將會繼續擴張版圖，設立更多地區版，好似東網大陸版、美加版等等，為世界華人提供最快、最新、最詳盡的資訊。

更值得一提嘅係，「on.cc東網」同時全力發展手機程式Apps，前日為止安裝量已突破四百一十五萬次，簡直係氣勢如虹。順便提提大家，東網手機Apps亦進行咗更新，只要上App Store或Play Store更新東網Apps，就可以隨時登入「on.cc東網」，瀏覽最新版面，仲可以透過Apps直接閱覽全球免費開放嘅《太陽報電子報》及《好報電子報》，隨時隨地、原汁原味享受非一般嘅閱報樂趣。呢嗱，好嘢自然有人欣賞，自從《太陽報電子報》及《好報電子報》免費開放後，點擊應聲激增，每日瀏覽頁次最高達一百四十三萬，證明讀者果然有眼光，連廣告客戶都得益唔少o架。

仲有吖，為滿足全球華人唔同需要，除目前嘅「東網港澳」Apps，短期內亦將推出「東網台灣 」、「東網大陸」等Apps，你話係咪照顧周到呢！

一句講晒，「上東網，知天下」。「on.cc東網」推陳出新，錦上添花，務求為全球華人做到最好，只要大家繼續鼎力支持，精彩必定陸續有來！

第一手消息請下載on.cc東網iPhone/iPad/Android/Windows Phone Apps