SUN搞作：網絡小說：曾系獻世寓言（中）
貪曾畀「一男子」奪去龜界大佬之位，做唔成「龜叔」之後，好唔甘心咁嚟到貓園。咁啱得咁蹺，貓咪們亦都選緊大佬，代表貓星人（第九千三百四十七點六六）功能組別，繼續落實殖民地球、控制人類的邪惡大計。生性邪惡嘅貪曾又點會唔想共襄惡舉？於是佢又毛遂自薦，大嗌話「起錨」、「起錨」，口口聲聲要做貓大佬。
「喵喵！」話音剛落，一堆可愛嘅小貓爬近，靠在貪曾身上依偎輕叫。貪曾龜顏大悅，諗唔到自己不受龜界歡迎，卻有一大堆貓眾支持，老懷安慰。
正當貪曾計劃如何率領貓眾報效英國之時，忽然覺得胯下濕濕，一股尿味直衝鼻腔。「吼！」小貓們突然對貪曾又抓又咬又撒尿，變晒老虎咁樣。貪曾叫痛，急急腳想走，卻又仆咗落街上面。
「你喺貪方面係我大佬，」貪湯唔知由邊到行出嚟，面紅紅咁抱住隻貓話：「但係要做貓大佬－『最貓』，就唔夠我嚟喇……」講完之後，貪湯手上隻貓尿如泉湧，射向其口中，貪湯醉醺醺咁飲咗一大啖，不停大讚：「好酒！好酒！」
（待續）
