SUN搞作：少膽虫手記：虛偽的爛果
「腦腫，點解你要ban我條橋呢？黎黎尋晚先同高登女神講，我哋壹全霉係民主同自由嘅！」膠蘇拎住自己編畀人抽起咗嘅「專爛」，眼濕濕咁企喺少膽虫面前。
「讀一次你篇『傑作』條標題？」「打……打開全霉界自由市場。」膠蘇好疑惑咁，逐粒字讀出嚟，「腦腫，黎黎不嬲都叫我哋讀多啲海耶克，你仲要自我審查，點解要針對我？」見今日陽光普照，吞pot吞咗成日有啲悶，少膽虫不妨花吓心機教精啲細路。「教主夠話自己係一個好人，仲好鍾意做善事，無違背良心……」膠蘇聽罷點頭，「不過佢賣發水樓喎……」少膽虫見佢成日頭耷耷，估唔到都唔蠢得晒，「咪係囉，膠蘇，咁你明啦可？」
「但係黎黎唔係咁嘅人嚟嘛！」膠蘇聽罷，嘟起乾燥甩皮的小嘴，睇落去煞是惡心，「細路，自由開到飯咩？一男子都話啦，依家最重要係做個萬能插蘇，幾時轉軚都得！」膠蘇本已向下彎的眉毛，因為疑惑，又彎得更深，「腦腫，點解你要畀個廢柴頤指氣使？」少膽虫真係唔明，點解佢咁都仲要問呢？「因為我哋係最正義o架嘛！」
