政務司司長林鄭月娥尋日出席社企民間高峰會，當佢被主持人問到政府點催化社會有多啲創意時，佢竟然好坦率咁，話呢樣嘢喺public sector（公營部門）似乎有難度，皆因政府與生俱來有種rigidity and inertia（死板及慣性），仲話記得舊年參加同類高峰會，曾好高興咁向大家宣布特首攞五億元嚟做社企基金，其後變為社企創新基金，但點知一搞就搞咗十二個月，到今年九月先正式成立。

林鄭仲話政府可能係對創意及同非牟利機構合作有種無形嘅恐懼，所以社企精神一定要靠民間智慧去發展喎。佢咁講，仲唔係想話政府冇乜創意，兼做事慢吞吞？政府相關人士要識做啦！

第一手消息請下載on.cc東網iPhone/iPad/Android Apps