花旗香港會德豐分行自八三年開業至今已經三十年，最近神不知鬼不覺執一執，依家行smart bank路線。分行都翻新，唔知同樣喺花旗打拚三十年嘅花旗銀行環球個人銀行服務香港區總經理林鈺華會唔會一齊轉新look？

會德豐分行大革新，林鈺華當然希望銀行業務蒸蒸日上啦！（資料圖片）

點解要行電子化路線？林鈺華強調唔係cut人，而係畀客戶有更好體驗，銀行生意效益提升當然係其中一個原因啦！聽講花旗香港一○年relocate過旺角分行，包裝成旗艦店，該分行收入多咗一倍，提升其他分行並唔係無原因o架！

林鈺華希望今次翻新會德豐分行可以令該分行收入倍增。但佢就補多句，本身呢間分行都做好多生意，增長率未必夠旺角嗰間咁勁。

對佢嚟講，八三年係好重要嘅一年，因為佢喺呢一年加入花旗。即係話佢已經喺花旗度過咗三個十年，唔知佢幾時換吓髮型，轉個新形象呢？但轉形象之前，唔知前線員工明年嘅加薪幅度有無得提升呢？佢就笑笑口話加幅喺市場上好有競爭力啦！

第一手消息請下載on.cc東網iPhone/iPad/Android/Windows Phone Apps