城中鏡：鄭志剛進身APEC代表

而剛宣布於明年初接班做會德豐主席嘅已故船王包玉剛外孫Douglas吳宗權，就繼續出任香港替補代表，但任期維持不變至明年底。

Douglas喺今年一月先至被委任做香港替補代表，唔知今次增加多一名替補代表，係咪同Douglas未來有排忙有關？Adrian係新世界創辦人鄭裕彤長孫，現任新世界發展執行董事兼聯席總經理。

至於該理事會嘅香港代表就維持不變，仍然係怡和控股董事黎定基、盈科主席兼行政總裁李澤楷同瑞安集團主席羅康瑞三人，任期至明年底。亞太經合組織商貿諮詢理事會係常設嘅商界諮詢組織，就商界特別重視嘅課題向亞太經合組織提供意見，以推進喺亞太區倡議自由和開放貿易及投資嘅目標。