立法會政府帳目委員會以極罕有的強硬措詞，痛斥狠批「貪湯」（前廉政專員湯顯明）。帳委會報告詳列貪湯假公濟私的罪狀和評語，譴責此粉皮漠視《廉署常規》，其行為卑劣地損毀香港廉潔及廉政公署作為防貪先驅的聲譽；七名尊貴的委員一致表示他們之「強烈不滿」，均是「由個心度痛出來」。

貪湯則發聲明還擊，話自己「無說謊、無隱瞞、無私利，與貪字無關……」仲話事件係由「傳媒催化」而成，更向帳委會挑機，要他們「更精確地」指出佢「如何『違』了哪些『規』？」咁！即係貪湯至今還未知自己「衰」乜嘢啦！

你唔知，我就話你知囉！三隻字：衰厚顏無恥呀！

幾十歲人，做到一方之首，貪得無厭到全世界都知（報告書講得清清楚楚），你件「柒碌」死不悔改，仲要還拖？可無恥到咁，還算是個人？

貪湯，「貪」字呀！你識唔識呢個字呀！

貪威識食：扮狗迎奉，以公務為名，增加餐宴費用，乘機自隊茅台食好嘢同大肆外訪遊玩。貪慕虛榮：報告書批評貪湯借公帑酬酢開支大宴內地要人，疑似為退休後獲任為全國政協鋪路。貪圖女色：多次call召女友伴遊送外賣咁！但費用卻由納稅人支付，你happy，我哋付鈔？×得你少也！

本欄在此強烈要求律政司、廉署和警方徹底追究貪湯惡行，至少都要扣佢長俸，拉佢再審。而中國方面，為免國家出醜，褫奪佢全國政協委員個朵先啦！至於全港市民，應會「由個心度×佢囉！」

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps