「腦細，腦細，公司門口有黃金呀！」少膽虫上氣唔接下氣。大班椅上盤起二郎腿的淫賤黎，即時彈起，「咁正？唔通有善心人知壹全霉唔掂，特登嚟打……救我？」少膽虫條氣都未抖順，就被淫賤黎一手拉咗出去。

「咦，黃金呢？少膽虫，你又話有嘅？」淫賤黎急問少膽虫。少膽虫一手掩鼻、一手指住淫賤黎鞋底，「腦細，啲『金』咪畀你踩住咗囉……」淫賤黎抬起左腳，兩眼定目，方知所謂「黃金」是何物。

「邊個，邊個敢夠膽？」淫賤黎怒吼。少膽虫見腦細火上心頭，急忙解釋道，「可能係啲狗……」淫賤黎用紙巾抹過鞋底，但仍難掩其臭，「狗？從來都只有壹全霉嘅『狗仔』，會喺人哋度留低『紀念品』！少膽虫，你身為腦腫，亂畀啲狗喺公司門口度屙，擺明就把關不力喇！」

少膽虫心知淫賤黎想借自己做出氣袋，好在腦細點精，始終都係腦細，點及少膽虫咁「叻叻」呢？「腦細，你唔記得喇，依家公司被人封殺，啲『狗仔』無得喺人哋度屙，咪惟有返嚟公司門口屙……」淫賤黎一時無語，逕自返回公司慢慢抹……

第一手消息請下載on.cc東網iPhone/iPad/Android/Windows Phone Apps