SUN搞作:Sun官場現形記:蝦蝦霸霸使乜驚
教育局局長吳得掂巡視某學校,發現一位同學正被人欺凌,佢即刻上前阻止,點不知就得知一個驚人嘅事實……
吳得掂︰停手,你做咩蝦人呀?
欺凌者︰你係邊位,你理得我?
吳得掂︰豈有此理,你真係一啲都唔驚,信唔信我……
欺凌者︰最多咪又係警告。
吳得掂︰你意思係你唔驚記過,唔得我要同你班主任反映!
(吳得掂詢問被欺凌的同學)
同 學︰班主任?遠在天邊,近在眼前。
吳得掂︰係咩?喺邊?
欺凌者︰本人正是班主任!
吳得掂︰咁……點會咁o架?
同 學︰有咩計,係你話就算老師欺凌學生,都可以繼續執教,唔使釘牌,毋須修訂,你話邊個會怕你呀!