立法會政府帳目委員會嘅報告痛斥「貪湯」前廉政專員湯顯明喺任內嘅貪腐醜行，點知貪湯不知恥，發聲明死撐自己冇錯，仲想搬佢嘅「好兄弟」貪曾做擋箭牌，仲自煲任內功績，唔係幾十小時聆訊就可以抹殺。咁講即係當帳委會無到啫，連班議員都睇唔過眼，除咗要繼續追殺佢之外，仲話要研究扣佢長俸同追究佢涉發假誓，呢次睇佢可以龜縮得幾耐？
