近排肺炎鏈球菌肆虐，接連造成幼童不幸喪生，經過連串爭拗，終於食物及衞生局局長高永文聯同專家小組提早開會商討，更決定為幼童補種「13價」肺炎鏈球菌疫苗，但討論過程訊息混亂，令家長無所適從。高永文今次補鑊都算做到嘢，但疫情猛形勢急，佢要（目及）實藥廠提供足夠嘅疫苗畀醫生先得，絕對唔可以歎慢板。
