SUN搞作：少膽虫手記：失B與失實
「塞實啲！再塞實啲！」淫賤黎房中傳出對編輯肥豪的呼喝聲，但見慣風浪嘅少膽虫立即諗起自己曾經聽錯，誤當「失實」為「塞實」，因此決定小心翼翼地貼在門邊食住燒鵝髀聽清楚再算……
「B！B！再塞實啲！」淫賤黎如罹患語癌般，重複又重複咁講呢幾隻字。雖然佢好似好假的肥仔咁，講唔出咩大道理，但係少膽虫覺得相當之有親切感，總之跟官咁耐，當然知道佢同肥豪有路，亦不便點破。豈料正要轉身回去食髀，淫賤黎便叫：「少膽虫！入嚟幫手！」
少膽虫心頭一震，果然躲不過，便掟低鵝髀應道：「喳！」壹如所料，推開門，只見肥豪滿頭大汗，伏喺寫字枱揸住支筆係咁作......唔係......係寫新聞稿。
「你嚟就啱喇。」淫賤黎說：「你快啲幫手督促肥豪，睇吓點樣將蝗蟲偷B呢單新聞作得失實啲、煽情啲同埋吸引啲……」少膽虫終於聽得明淫賤黎講嘢。
