旺角西洋菜街設置行人專區的原先意念，係改善旺角空氣污染，和讓市民閒情信步，增加舒適空間，想不到，卻變成一班人在此非法搵食的地盤。法例規定不准在行人專用區內有任何生意交易，但看看那些電訊公司和電視台的招攬，及林林總總的臨時檔口，哪一檔不是做緊生意水的呢？

人家店舖月租動輒一百幾十萬，而那些違法小攤檔卻斗零唔使，只用幾十蚊一個嘅易拉架堵塞人哋門前，便肆無忌憚的老奉做生意，呢個香港廢柴政府居然乜都做唔到，任由路霸橫行！

今劑，油尖旺區議會動議縮減行人專用區開放時間，其罪魁禍首就係那班自詡係「藝術表演者」嘅街頭歌手，佢哋晚晚與同行鬥大聲，喇叭音響嘈到二十樓嘅街坊也患上抑鬱症。呢班賣藝者一直用「文化藝術」作申辯，其實係幌子，每夜開檔賺錢，如果不准收「打賞」，唔知仲會唔會咁神心，晚晚抬幾車大型音響設備，買埋電油開發電機與眾同樂呢？其次，喂！你們的歌喉歌藝並不一定有藝術水準，但好嘈就肯定嘅囉！

除整晚嘈到人發狂的雜音外，更因呢度有錢搵，早已引起大群非法「淘金者」嚟搵着數，計有大陸賣藝人、各式小販、即影即有攝影師外，仲有睇相佬、假和尚和陀地，直情好比九龍城寨三不管地帶咁「無政府主義」狀態，都無人拉嘅！

依家的臨時措施，只准周六、日和公眾假期開放，其實並沒有真實解決問題，因那開放的幾日，一樣繼續烏煙瘴氣，廢柴香港政府如常無能，唯一改變，只是旺角空氣惡化番！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps