SUN搞作：Sun官場現形記：「醫生」鬍鬚曾
財爺鬍鬚曾喺街行行吓，忽然見到一位中產人士瑟縮一旁，鬍鬚曾就上前問吓發生咗咩事，發現佢原來係「身體不適」……
鬍鬚曾︰先生，你係咪有咩唔舒服？
中 產︰我……頭痛，仲好似有啲焦慮……
鬍鬚曾︰咦，唔通男人都有更年期？
中 產︰你亂講啲咩！我唔舒服都係因為你！
鬍鬚曾︰又關我事？
中 產︰我為咗未來發展而焦慮；諗到自己仔女嘅前景就頭痛，仲話唔關你事？
鬍鬚曾︰咁……雖然我唔係醫生……但我都畀粒糖你食吓，睇吓會唔會舒服啲。
中 產︰你點會唔係醫生？
鬍鬚曾︰此話何解？
中 產︰淨係識派小恩小惠，頭痛醫頭，你仲唔係「黃綠醫生」？
