立法會保安事務委員會尋日拉大隊到訪赤柱監獄，重頭戲之一係一眾議員深入廚房重地，齊齊品嘗「監獄飯」。雖然在場嘅懲教署職員熱情款待，狂邀議員試食，但班議員都相當含蓄，淨係掛住傾偈，多數都係淺嘗杯奶茶就算，反而搭單同行嘅非委員會成員Gary范國威就試勻多款膳食，有「咖喱飯」之稱嘅佢仲試咗專供南亞裔等囚犯食嘅印度咖喱添！佢大讚咖喱好味，值八十分，但就話食開味道無咁濃、甜啲嘅日式咖喱。
范國威食咖喱，不知幾滋味！
