SUN搞作：網絡小說：奶媽唔易做
「好喇下一個環節係淋淨囝囝向佢媽媽遞上磚頭喇，我哋畀啲掌聲鼓勵吓佢好唔好呀？」大會司儀如是說，全場掌聲起伏，目光都聚焦到淋淨囝囝身上。「唔制！」但淋淨囝囝雙手交叉胸前，頭擰一邊：「佢都唔係我老母！」
淋淨伊人獨憔悴，一個人眼濕濕。司儀見狀不禁嘮叨幾句：「唉呀，細路仔點可以無喇喇講老母？好彩呢個係自己嘅喱，等陣如果講咗人哋嘅點算？」可是淋淨囝囝堅決道：「老母係好尊敬嘅用辭嚟，你班道德塔利班識鬼咩……」
「囝囝！我對唔住你！」淋淨此時終於出聲：「媽媽淨係掛住做奶媽，都無時間理你，日日湊嗰兩件毛都未出齊嘅黑儉同星仔，有時仲要湊埋個低B腦細……你唔肯認媽咪，媽咪唔怪你，但係你返嚟媽咪身邊先啦……」眾人大駭，驚訝高官居然會為工作作出如此大犧牲。
「啲奶都畀佢哋飲晒啦！」淋淨囝囝卻毫不心軟：「做官嘅都照搶奶，無限奶令嘅話，我食咩呀？」
