SUN搞作：少膽虫手記：不受歡迎霉體
少膽虫見淫賤黎一返嚟公司，即高呼︰「歡迎歡迎，熱烈歡迎！」誰不知淫賤黎面色一黑，「仲歡迎?壹全霉被人列做不受歡迎霉體喇！」好在少膽虫轉數快，「……腦細，係『不受歡迎』啫，未衰到『討厭』吖。」
淫賤黎一聽，怒火消了不少，少膽虫打蛇隨棍上，「不過係寫佢幾日，就話我哋針對，仲屈我哋嗰下衰！」淫賤黎不明不白，「我哋畀人屈？」少膽虫續道︰「《爛果》明明就無搵『大笑Gor』，點『狙擊』人呀？而且我哋一路都走『誇張』路線o架喇。」
「但我哋畀人話煽動群眾，搞白色恐怖喎。」淫賤黎再怒視少膽虫。「腦細，冤枉呀！《爛果》不嬲都淨係搞開『三識恐怖』─唔識、扮識同無學識，呃吓師奶仔，有冇白熄，我唔知o架！我淨係知個黑色公仔箱，日日都有作業。」「但依家我哋冇得採訪，《爛果》仲點有題材寫嘢？」淫賤黎低頭苦思。「腦細，好小事啫，去隔籬台咪得囉！」少膽虫獻計。「咁點得？」淫賤黎眉頭一皺。
少膽虫笑道︰「叫百變人泰哥，扮埋隔籬台啲演員，仲唔咩演員都有得寫！」
