SUN搞作:SUN官場現形記:讀萬元書得條死路
依家世界難撈,不過各間學府仍然豬籠入水,無他,全因副學士課程開到周街都係,可惜大部分學生讀完都……
學生︰唉,點算好……
吳得掂︰後生仔做咩唉聲嘆氣,希望在明天。
學生︰不過絕望在今天,最衰都係你,任由副學士課程亂開辦,升到學位嘅人根本就唔多。
吳得掂︰升唔到咪出嚟做嘢。
學生︰弊在讀完無用,依家畢業變失業!
吳得掂︰咩課程都有佢嘅用途,你試下先喇。
學生︰既然你咁講,我就試吓……(學生怒打吳得掂一身)
吳得掂︰你做咩打我?
學生︰我讀生物力學,打你係想試下人類發嬲時可以有幾大力。
吳得掂︰@#$#@#$%@!