東網威力無界限 獨家猛料齊齊讚

太一叮講過，「on.cc東網」係全球華人獲得各類即時資訊嘅最佳選擇，絕對唔係誇張o架。呢嗱，前日一則關於台灣職棒「傳麗寶買下象隊」嘅獨家消息一出街，即時引起台灣社會哄動，個個先睹為快，人人爭相瀏覽，墟冚程度令人意想不到，至昨晚八時，該則新聞嘅點擊次數高達四十八萬，而社交網站facebook亦累積超過三萬七千個推介。「on.cc東網」威力無邊，冇花冇假。

正所謂，東網一出，誰與爭鋒，東方報業擁有全港最龐大嘅編採隊伍，「on.cc東網」內容自然有保證喇。尤其係即時新聞，又快又多又準，而且集文字、圖片同視頻於一身，別開生面，相得益彰。為咗回饋讀者及網民嘅鼎力支持，尋日起全球免費開放《太陽報電子報》及《好報電子報》，結果瀏覽頁數應聲激增三倍。而全新東網自本月三日推出以來，至尋日安裝「on.cc東網」Apps已突破三百萬次，證明讀者及網民果然識貨。講到呢度，太一叮不妨再同各位介紹少少威水史，喺網上以逐頁形式閱覽嘅電子報，當年亦係由東方報業首創o架，既方便，又可以享受傳統閱報樂趣，一舉兩得。

話時話吖，今時今日網絡無邊無界，上網唔再局限於電腦，智能手機亦愈來愈普及，透過「on.cc東網」，可以做到一機在手，天下在握，全球華人行到邊睇到邊，隨時隨地可以原汁原味享受閱報樂趣，簡直係超值過超值。有人可能會問，《太陽報電子報》依家就話免費開放啫，嗰啲已經交咗錢嘅原有訂戶咪好蝕底？嗱，大家請放心，話明係回饋，當然無分彼此，東方報業將會安排退款，保證唔會有人蒙受任何損失。

網絡無界限，資訊無間斷。太一叮喺度再次提醒各位，《太陽報電子報》每日香港時間凌晨三時三十分出版，即泰國凌晨、澳紐清早、美加西岸上午、美加東岸下午、巴西下午、英法意傍晚、南非晚上，毋須登記，全球同步。所以話，東網資訊即時睇，點止閱報咁簡單。

總而言之，「on.cc東網」立足香港，服務全球，領先潮流，與時俱進，閣下想體驗最新最潮最精彩嘅資訊大餐，請快啲上東網喇！