名人周國勳女兒周穎詩尋日出席瑜伽活動，並即場示範瑜伽動作。佢話喺美國已玩咗瑜伽三年，最主要係根治背痛，依家都會一星期玩四次。佢本來喺美國從事時裝工作，但八月尾已回流返港，問到依家做乜嘢工作時，佢話：「未知，都未搵到嘢做。」再追問係咪會幫爸爸手？佢就話唔會喇，暫時休息吓，約吓朋友去吓旅行先，仲話聖誕都會去峇里旅行添！
周穎詩一星期玩四次瑜伽。
