SUN搞作：打橫嚟講：北大人南下私訪須知
晚清章回小說《萬年青》，又名《乾隆遊江南》，作者佚名，唔知係邊個人寫的，但書中有大量粵語，估計係廣東佬著作。此書是講乾隆皇微服下江南的野史，內裏夾雜少林拳與峨嵋武當決鬥的武俠技擊情節，故頗受大眾歡迎，流傳甚廣。
一國之君，事務繁重，做乜鬼要「微服」暗訪民間呢？
有啲講法，係禁宮苦悶，做皇帝終日悶困「愁城」，寂寞難耐，遂「潛逃」外出，吃喝玩樂，放縱逍遙。另一說法，係明君愛子民，不滿足只呆坐金鑾大殿，齋聽臣僚廢噏，於是，要親身接觸百姓，了解民間真實狀況，這做法，不特顯示君主可紆尊降貴的親民作風，還有重民意、輕讒言的含意，免卻佞官讒臣的片言妄語，隱瞞真相。
香港特區回歸後，原先的「港人治港、高度自治」被萬千因由掃落床下底，換來的是北大人「循序漸進」的揮動指揮棒，左撥右舞，指東畫西，全盤控制。現更「理直氣壯」地派遣巡撫高調南下，好比君臨天下般召見當地官吏，頒令聖旨；即使向外宣稱與各界人士面談聽意見，也只揀選一面倒傾側保皇的「自己人」，肆無忌憚地擺明係「偏聽」和「做秀」也無妨，這就是「一國兩制」之「一國」先行的精神要素囉！
愛國明君好官要有效治國，或受民眾愛戴，在私訪時，應入尋常百姓家，親炙民情，而非偏信庸官廢柴「狗噏」，可惜，中國歷史的迴廊裏，昏君暴君和宦官貪官的居多，最終禍國滅國收場，這不是天命，而係人禍，點算？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
