「腦腫，我含住奶嘴就入爛果，點解你要調走我？」聽到啲咁膚淺嘅問題，少膽虫唔想理佢，一下旋風腿就踢埋道門。唔知係咪悲慟嘅力量特別大，膠蘇連奶力都用埋出嚟，兩掌攝於門罅之中擋住，用委屈嘅語氣講：「我已經喊咗好多次，你畀個解釋我！」眼見膠蘇喺《爛果》咁耐，無功都有勞，少膽虫就畀個機會佢，等佢死咗條心啦！

「腦腫，究竟點解要調走我？等肥豪一個人擔《狗噏24》支旗？」入到房閂埋門，膠蘇即刻打爛沙盆問到篤，見佢櫈都未坐暖就進攻，少膽虫不禁莞爾一笑，翹起二郎腿輕鬆回答：「X，講呢啲！」

膠蘇眉頭輕皺，不明所以，少膽虫都唔介意講白啲：「之前最後一集，你加咗乜落去？」膠蘇理直氣壯答道：「齊……齊齊熄電視囉！又係腦細話我哋有自由嘅！」唉，少年，你太年輕了，自由黨夠話自己liberal啦，說穿了，只是另一種語言偽術。

「依家去分類廣告版，你都享有自由調動廣告版位嘅自由，幾開心吖！」膠蘇不忿駁道：「嗰集點擊率好高……」少膽虫笑了一笑，答：「依家數字唔大、政策都唔大，只有一男子最大，嗰個男子就係我！」

第一手消息請下載on.cc東網iPhone/iPad/Android/Windows Phone Apps