為反對大浪西灣納入郊野公園範圍，新界鄉議局揚言下月初發起二十七鄉包圍立法會三日，仲拋出文獻證明政府違諾，面對鄉紳嘅文攻、武鬥，環境局局長黃錦星突然拋出「雙贏」言論，話會投放資源起公廁同路牌造福村民。雖然佢識得使出呢招「語言偽術」嚟拆彈，都算反應快，比起之前搞擴建堆填區有啲進步，但班鄉紳點會貪呢啲皮毛嘢吖，盞嘥氣啦！
