前排屋宇署班員工先發起罷工，抗議人手短缺，工作量爆煲，點知轉個頭又爆出屋宇署低估大廈戶數，令強制驗樓同驗窗龜速進行，到今時今日先發出少量通知書，唔單止令到舊樓居民瞓唔安、企唔樂，日日震騰騰，仲嚴重危害途人嘅人身安全添！衰嘢爆完一單又一單，區載佳都唔知點做署長嘅，再係咁落去，納稅人忍無可忍嗰陣，小心連呢個位都危危乎呀！
