已經不是第一次聽到的了！

一個又一個大學教授或中學老師面對面向我說，他們已很久不看香港新聞了！

喂！揸車的，或廚房工人都勉強話可以唔睇新聞啫！一個前線教育工作者唔單只在課堂「背書」，講理論、傳知識，仲要因應時局、社會議題來融入教材，讓學生跟貼社會脈搏，關顧周遭議題，才不致死啃書本的「硬資料」吧！

再者！身為「知識分子」，唔多唔少總有點社會責任，即使不走在抗爭的最前端，也須了解社會處境的前文後理，以便自身理性判斷吧！

教授及老師們不看香港新聞也未算震撼，最近，與一眾傳媒編輯和記者傾偈，原來，佢哋放假休息日，都遠離港聞消息，一律唔理當日天崩地冧，直至返工，避無可避，為搵食才去面對「現實」！

原先，我以為他們所厭倦的，是政治新聞，估不到，非政治類的，一樣無好感，即使法庭beat的、教育beat的都叫人反感！咁又係，每次報道學生會考成績，考評局的新聞稿不是話佢哋如何如何低B，就係記者親眼目睹佢哋為撲學校收留而四處奔跑，苦不堪言，聞者已痛心，仲要寫番出來，讓全港憂戚！真不想囉！同樣，逼老師們向學生如實解釋社會悲慘真相，又怎忍心？

香港地，點解會搞成咁呢？誰能告訴我？

上星期，出埠去咗一笪無法與外界通訊的深山去「修行」，果真，讀不到香港新聞，幾日之嘛！他精神爽利起來，好掂！

喂！邊個可以話畀我知，點解唔睇香港新聞會咁Happy？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps