有位家長喺條街見到教育局局長吳得掂，諗都唔諗，希望將心中嘅不滿，一次過對局長發洩出嚟。鬼咩，北區幼園排隊攞申請表亂七八糟、通識書加價掠水、依家仲……

家長：學校應該係最安全嘅地方，依家搞到立立亂！

吳得掂：又關我事？

家長：啲小朋友頭暈頭痛，老師又唔理！

吳得掂：向學校投訴先有用喎！

家長：佢哋細細個就吸毒，年齡仲愈嚟愈細！

吳得掂：吸毒？好嚴重喎！睇嚟要做好啲教育同宣傳嘞！

家長：聽日家長日，我仲要陪吸毒添！

吳得掂：吓，呢位家長，你唔識好好控制自己咩？連你都走去食毒品，其身不正，又點教好你嘅子女呢？

家長：講緊學校課室嘅二氧化碳濃度水平高，啲小朋友逼住日日吸「毒」，又唔做好監管，連課室都唔安全喇！

吳得掂：＆！＾＠＃＃！！

第一手消息請下載on.cc東網iPhone/iPad/Android Apps