透視鏡： 地署屋署鬥卸 「癌細胞」危害安全
【本報訊】面對新界違規寮屋愈建愈多，元朗區區議員黃偉賢透露，區議會早於十多年前已討論違規寮屋問題，可惜地政署與屋宇署卻互相推卸責任，令寮屋群長期處於「無王管」狀態，「屋宇署話新界農地係地政署負責，地政署就負責『釘契』，限制土地買賣，但呢啲都唔影響放租，完全冇阻嚇作用！其實地政署有權收地，但係一直都話冇人手，由得啲人繼續起（寮屋）！」黃指違規寮屋的興起儼如計時炸彈，倘政府繼續坐視不理，將留下「癌細胞」危害市民。
黃偉賢又說，以現時的情況觀之，擔心新界僭建寮屋迅速蔓延，若不盡快取締將更變本加厲，屆時政府將難以收拾。「好似丁屋僭建問題咁，十幾年前區議會已經講緊，但係屋宇署最後不了了之，依家僭建問題比以前嚴重好多，搞到想拆都拆唔到！如果政府再唔處理違規寮屋，我估計十年內會演變成好似丁屋咁無法解決嘅大患！」
