政壇：陳振邦努力造人追多個
尋日喺一個慈善機構活動上，見到莎莎國際主席郭少明女婿陳振邦單拖赴會。問佢點解太太郭詩慧冇一齊嚟，佢話太太有事在身，又透露囝囝快將兩歲，聖誕節應該會一家人一齊去珀斯旅行，過一個熱嘅聖誕。
陳振邦
囝囝依家返緊學，要準備考幼稚園，而佢同太太未感到太大壓力，囝囝正喺Playgroup熟習中，佢哋亦冇特別訓練囝囝，兩夫婦都只係同囝囝玩。而囝囝就經常同佢玩問答遊戲，佢又話：「佢答啱就會自己讚自己叻，對自己好有自信同滿足。」問到囝囝性格似佢定似太太時，佢話兩個都似，仲話會努力追多個，仔女都無所謂喎！
